بیر کؤهنه ناغیلا بنزیرم بویون
بو کیلکه توکلرینن گؤز آلتیمین گؤیو، قویوسو
یوللارا آخیب تؤکولموش قره‌سینن.

شوشه نایلون جورابیم قاچیب
.....................زویولدور قیچیمنان.
آغ، قیسسا، بام بوز دونوم شیشیب قارنیمین بویوندا
بوتون یوللاری قیراخ به قیراخ قیرمیشام
دؤرد گوشه‌مین بایاتی دامارلاریننان
...........................دامجا نیسگیل دامیر.
دیرسکلریمین اوستونده کؤچوب
.......................دیز اوسته یول گئتسم اولار؟
تپَم اوسته فیریلداییب، باغریمنان اود باغیرسام اولار؟
اوجا، شسلی سهندین قویون بوغان تپه‌سینه اوتوزان نئینر؟
اینجاریمی چاغیر
آلوده‌مین گؤزلرینه باخماغا
.....................اینجاریما یالوار
واز گئت دئمیشدیم
واز گئت بو کؤهنه ناغیلدان.

لندن-2008، یاز
______________

Şüşə Naylon Corabım Qaçıb
Ziba Kərbasi

Bir köhnə nağıla bənzirəm büyün
Bu kilkə tüklərnən göz altımın göyü, quyusu
.Yollara axıb tökülmüş qərəsinən

Şüşə naylon corabım qaçıb
Züyüldür qıçımnan
Ağ, qıssa, bamboz donun şişib qarnımın boyunda
Bütün yolları qırax-bə-qırax qırmışam
Dörd guşəmin bayatı damlarınnan
damca nisgil damır
dirsəklərimin üstündə köçüb
?diz üstə yol getsəm olar
?Təpəm üstə fırlanıb, bağrımnan od bağırsam olar
?Uca, şəsli səhəndin qoyun boğan təpəsinə uduzan neynər
Incarımı çağır
Aludəmin gözlərinə baxmağa
Incarıma yalvar
Vaz get demişdim
Vaz get bu köhnə nağıldan

London – 2008, yaz