اورتا آسيا ميتولوژيسينده، بانقـير (ميس) و علی الخصوص دمير داغلارينين اؤنملی يئری وار. بير پارا ايناملارا دا، بو داغلار، يئرين قورشاغی و باشقالاريندا ايسه يئرين ستونلاری سانيلير. بو داغلاردا، آنورمال وجودلو Statur- deforme انسانلار، عجاييب و مقدس حيوانلار ياشايير. مثلا سيمرغ و هُما قوشو داغيندا و تپه گؤز Polyphemeده، ائله بو داغلارين ماغارالارينين بيرينده اولور.
دمير داغلارينا عاييد، ترک ميتولوژيسينده بير پارا ناغيللاردا وار. بو ناغيللارين بيری داها دا ماراقلی دير. بو ناغيل دئيير کی، واختيلا بير اؤلکه ده بؤيوک بير خان وارايميش. تانريلار بو خانا، بؤيوک بير دنيزی گئچـَرک، دمير داغدا کی انسانلارلا ووروشماسينی امر ائتميشديلر. خان ايسه بو امری يئرينه يئتيرمک اوچون، اوردو گؤندرميشدی . اوردو مين بير گوجله دنيزی گئچيب دمير داغا وارميش، و اوردا ياشييانلارا، ساواش اوچون گلديکلرينی سؤيله ميشلر. دمير داغ اهلی، "ساواش نه دير؟" سورموشلار. اوردو دؤيوشه ليک دئميشلر و آنلاديب و گؤسترميشلر، آنجاق فايداسی اولماميشدی. گئری دؤنمک زوروندا قالميشلار. دؤننده، دمير داغين خانی اونلارا چوخ هديه لر و خانلارينا بير کورک هديه ائتميشدی. اوردو گليب دورمو خانلارينا آنلاتميشدی. خانلاری شاشميش بو ايشه، گتيرين او کورکو گؤروم دئميش. گتيريب گؤرموشلر کی بو کورک، اَ يينلرينه چوخ بؤيوک دير. کورکو پارچالاييب، 8 دانا کورک تيکميشلر. او زامان خان مسئله نی آنلاميش و دئميشدی کی،" بونلارين بير نفری بيزيم سککيز کيمسه ميزه برابرايميش. بيز اونلارلا نه ساياغ ساواشا بيله ريک " . اونا گؤره ده ساواشدان واز گئچميشدی.
.

__________

قايناق و آرتيق معلومات :
تورک ميتولوژی سی / بهائ الدين اؤگل / بيرينجی جلد