آز کانوئرت

نئچه گون قاباق دوستلاردان بیری نین گؤندردییی یئنی کؤچورن پروقراملا تانیش اولدوم. بو پروقرامین داها گئنیش و چئویریرکن آز خطاسی اولدوغونو گؤرونجه دوستلارا و اؤزللیکله ادبیات ایشینده اولانلارا، لاتین حرفلرینده اولان متنلری اوخوماق ایسته ییب ده چتین لیک چکن اوخوجولارا اؤنریم دئدیم.

تهران اونیورسیته سینده اؤیرنجی اولان مرندلی بیر یوردداشین یازدیغی بو پروقرامدان یارارلانماق چوخ داها راحات دیر. یقین کی بیر چتین لیک قاباغا گلسه مرند اوغلونون وئب دوشرگه سینده کی آدرئسینه ایمیئل یازاراق چتین لییی آرادان قالدیرما یوللارینی سوروشا بیلرسیز. سایین مرند اوغلو بؤیوک بیر حؤصله ایله منه یاردیمچی اولدوقلاری کیمی سیزلره ده یاردیمچی اولاجاقلار.

- لاتین حرفلریندن عرب حرفلرینه چئویرمه یی گلیشدیردیرمیش دیر

- عرب حرفلریندن لاتین حرفلرینه چئویرمه یی سیناق کیمی آرتیرمیش دیر

- پروقرامین اؤزوندن یارالاناراق، نرم افزارین سؤزلویونه یئنی کلمه لر آرتیرماق امکانینی گلیش دیرمیش دیر
.

پروقرامی چالیشدیرماق اوچون Framework پروقرامینا گرک وار. بونو ایسه "آزکانوئرت"ین یاییلدیغی آدرئسده وئریلن بیلگی لره اساسا ائندیره بیلرسیز.

تورکجه میزه یئنی امکانلار قازاندیران وطنداشلارا، اؤزللیکله بو پروقرامی یازان مرند اوغلونا بایقوش سایتی آدینا تشککوروموزو بیلدیریریک.

یاخشی چالیشمالار و چئویرمه لر دیله یی ایله.