.

قار ...... قار ........ قار ........ قار
قار ........ قار ........... قار ......... قار
قار ......... قار ............. قار
قار قاری سسله مه سه یاغماز
داغ
داغ
داغ داغدان توتماسا تؤره نیب قالخماز
چیین چیینه، قول قولا، چیرپاچیرپیر قیچلار .....بیر هاوادا
چیرپینیر داش داشدان داشیر سسیمده پارچالانیر
عناب، ایپک، یاقوت نار، زعفران، الوان شوشه لر
............................بزه کلی، کیرشانلی مئشه لر

لاتی‌قومنان یومشاق ....ساری‌یا چالان بولوت ....بولوت لطیفه،
.............................................شوی، قرابیه
دیس-دیس قطاب، لوکا، قئیسی، ریس
سسیمده توی ....چال – چاغیر ......وور – سیندیر
سیندیرین قیزلار سیندیرین.....
سسیمده قره نئی، قئیطان باغ، اولاما، جیغ جیغا، چاخ چاخا، لای لای
قارا کوت شالوارلی قاررانقوش اوچور هاوانی هویوخدورور
چین‌ینده قارانلیخ تابوت بیر حرام اولموش آد کیمی
هرایلانیر، هؤکوتمه لردن آرتیخ اورک کئچینمه لریم.
آدلار،
آدلار،
قاریشیب "هلل یوسه" قاریشدیریر جَنََمی جانیمی
مین بیر آدین بیری یاسا قالمیش
مینی جئت کیمی گازا باسیب ویراژ وئریر بوغازیمین یولوندا
اَلو تَپیر، اَلولاندیریر، ایتیر..... ایتیریر منی
دیله گلمیر
دیله گلمیین یاناسان سنی، قاداییین آلیم
دوچار اولاسان سنی
گوموش گونوم، چؤهرئیی داغیم
آچیلمیین، آچیلان چتین یوموشاخ بوش وئرمی ین قاش قاباخلی
کؤلگه لی قافیم
تکجه منی دیین، دیندیرن منه گولومسه نن منی سئون
مین زورلو آدلارنان دئملی یالواریب منه قالان
اوغ ....اوغلان.
.