دئموکراتیک لشمه‌ یه یؤنلمیش دونیانین ایران آدلی بؤلومونده هله - هله دیلینی، ائلینی سئون‌لرین، میللی وارلیغینا سایغی ایله یاناشانلارین یاخالانیب زیندانلارا سالینماسی آرتیق بیر نورماتیوه چئوریلمکده‌دیر. عباس لیسانی‌ نین اؤزونون یاخالانماسی بیر یانا، اونون حیات یولداشی و قیزی دا یاخا‌لانیر. آذربایجان اؤیرنجی حرکاتینین وئردییی بیلگییه گؤره ان آزی 14 نفر یاخالانیب، دوروم‌لارین‌ دان هانسییسا دقیق بیر خبر یوخ‌دور. ایران ایسلام جمهوریتی نین اینسان‌لاریمیزا بو سایاق یاناشماسی، دینج و دئموکراتیک بیر بیچیمده سورن میللی مجادیله نی قابا داوارانماغا سوروکله‌یه بیلر. بیز بوتون آزادلیق سئور اینسان‌لاریمیزی، دؤزوم‌لو اولماغا، قورولان بو آغا دوشممه‌یه چاغیرماقلا بیرلیکده، ایران رسمی‌لریندن، توتولانلارین همن بوراخیلماسینی ایسته ییریک. تورپاق‌لاریمیزدا قان توکولمه‌ سی‌نین اؤنلمه ‌سینی، دیل آزادلیغی، کولتور دییشیک‌ لییینی رسمیته تانیماسینی ایسته ییریک. سیاسی دوشونجه ‌سی اوزوندن اینسان‌لارا زیندان جزاسی وئرمک، یاشادیغیمیز دونیانین اوزونه توپورمک کیمی بیر ایشدیر و بیز هامیمیز بیر سسله سسله نیریک بو ایش همن دایاندیریلما‌لی ‌دیر.

آذربایجاندا سون گونلرده توتوقلانان انسانلارین چوخو یازیچی و ژورنالیست دیرلر. بیز آذربایجانلی یازارلار و کولتور چالیشانلاری قلمداشلاریمیزین و ژورنالیست لرین توتوقلانماسینی پیسله ییب، اونلارین تئزلیکله آزاد ائدیلمه سینی ایسته ییریک.

1- مهندس علیرضا صرافی، باغلادیلمیش دیلماج درگیسی نین مدیر مسئولو

2- سعید موغانلی، شاعر و یازار، یاشماق یایینلاری نین مسئولو

3- اکبر آزاد، اوشاق ادبیاتی یازاری، وارلیق درگیسی نین یازیچیلار هئیتی نین آدایی

4- مهندس حسن راشدی، یازیچی، وارلیق درگیسی نین یازیچیلار هئیتی نین آدایی

5- مهندس حسن رحیمی بیات، انسان حاقلاری فعالی

6- صیاد محمدیان(اووچو)، کولتور چالیشانی

7-مهدی نعیمی اردبیلی، شاعر و معلم

8- مهندس محمد عباسپور، کولتور چالیشانی

9- عباس نعیمی، کولتور چالیشانی

10- حسین حیدری، اولوس درگیسی نین مسئولو

11- شهباز ابراهیم نژاد، کولتور چالیشانی

12- یوسف هوشیار، کولتور چالیشانی