.
چوخوسو دا بير بيرينه اوخشار
كوهنه بير موسافيرخانانين پنجره سيندن
ائشييه باخار بيريسی

قوشقوسوز
كور كيشی ده ويولون چالير خياباندا

هاوا بولودلودور
و گؤی گئييملی گؤزل بير قادين
پنجره نين آلتيندان
تله سيكجه كئچه جك بير آزدان

- دئديييم موسافيرخانا
آوروپا اؤلكه لرينين بيرينده اولموشسا-
كيشی نين الينده
بيره ايستيكانی وار

يوخسا - من اولدوغوم يئرده -
چای
لاپ بئله نهايتی قهوه اولا بيله ر

طبيعی
بئله - بئله زامانلاردا
بير آزجا روطوبت قوخوسو دا
اولماليدير


دئديييم كيمی
چوخوسو دا بير بيرينه اوخشار هاميسی
يعنی
اؤزلريندن قاچماق اوچون
آداملارين اللری
چوخ دا آچيق دئييل.