بو داغلار اولو داغلار

اؤلوم آجیناجاقلی گلیر، یامان گلیر، اوغرون، گؤزله نیلمز، سارسیدان گلیر گلنده. گؤزلریمیزه یاش قوندورور اما اؤله بیلنلر وار، اؤلمه ینلر وار. یقین کی ملت، وطن، دیل - کولتور دئییب هر شئیینی فدا ائده بیلن انسانلاریمیز فیزیکی اولاراق بیزلردن آیریلسالار دا ابدی اولاراق محزون و اونودولماز بیر نغمه کیمی هر آن اورکلرده یاشایاجاقلار.

اونودولماز غلامرضا امانی و ایکی قارداشی نین عاییله سینه اؤزللیکله حیات یولداشی گونش خانیما صبیر دیله ییب یوردوموزون باشی ساغ اولسون دئییریک. مزارینا نور ائنسین اوجالاردان. یولو گئدرلی، اوره یینده گؤتوردویو آرزو ایستکلری چین اولسون.