بورا چنلی بئل
زیبا کرباسی

............................................................عاشق یاردان کئچر
.............................................................گئجه یاریدان کئچر
........................................................نامرد ایله دوست اولان
...........................................................عمرون یاریدان کئچر

.
.
ماتی مئیخانادا سئرچه بزه ینلرین گوتونه نبی لیک کوراوغلولوق نه یاراشار، آی دیلغیر
آی هَرَنگه خانالاردا تولانان قورخاخ پیشیک.
بوغوم یوخ بوروشدوروب بورمالییم
بؤرکوم یوخ باشیمدا اوجا قویام
زنجیریم، تسبئحیم یوخ اوزالدیب الیمه دولاشدیرام
بیر تک توپانچام وار، توپون دولدوروب باغلامیشام
شالواریمین تاحینا اوتو چکیب رددین سالمیشام
گوموش باشماقلاریمین دابانین یاتیرتمیشام
دلی بیلرزیکلر سئویشیر بیله ییمده
ایشیم – ایشیم ایشیلدیر، گوشوارالار چیققا چیق آتیلیب دوشور قولاغیمدا
بیر جوت گیله نار دولوب قیرمیزییا، پؤشلور آغ مه مه لریمین اوجوندا
بیر تک توپانچام وار، توپون دولدوروب باغلامیشام
آیلار، ایللر، گؤزیاشلار
یئدیییم یامانلار، چکدیییم آهلار
ایللر وئرمه دیییم اؤپوشه دوداقلار
اریییب گوللَه لرینده گونلری ساییرام
هر اویونا، هر یالانا ..... هر آلدادان زیرزیرا
هر یازیب سیلدیین نامه یه ..... هر وئریب آلدیغین آدا
هر گلیرم، اؤلورملرووه ... هر باسدیغین گوپا ... بیر گوللَه
یوللادیغیم چؤهرئیی تونکه نی یالا چک باشووا جئیران
بورا چنلی بئل
بؤیرومده دوران آتلی ..... تازا دوستاقدان قورتولان ایگید دوست.