.
گئجه اوجا آغاجلارا دیرماشان
بير هيولا کیمی گلميشدی، اوددان
ديلينی چيخارداراق، یادیما دوشور
گوزل ماوی چایین بَريسينه چکيلن
ديزلرينه دَک زیغا باتميش
ميسيونرلر یادیما دوشور ایندی.
سو قالديران گوللَه لرینی، ساحیلده
چؤر چؤپ، لعنت اولسون، لعنت اولسون، لعنت اولسون، اوغلان
بو يئرلی لر بو اود گوجونو هاردان تاپدیلار؟
دئييب دوران جونز یادیما دوشور.
سونرا ماريا – نی گؤرمه يه ايچری گيرميشديم
نه دئييرسن، سالديراجاقلار می سنجه؟ دئميشدی.
اؤلمکدن می قورخورسان؟ دیيه سوروشموشدوم.
کيم قورخماز کی؟ دئميشدی.
ایچگی کومودونا ساری گئتميشديم،
یئکه بير لیوان دولدوروب دئميشديم کی
جونز اوچون يول دوزلدیب اوچ آيدا ايیيرمی ايکی مين دولار قوپارتدیق،
آز سونرا سن اؤله جکسن، نه ائتمه لی
بئله یئیین بیتیرمک اوچون بو ايشلری... نه دئييرسن
کومونيستلر می باشلاتدی بونو؟دييه سوردو، کومونيستلر می سنجه؟
دئديم کی، بو سينيرلی کؤهنه ناغیللاری بوراخ آرتيق.
بو کیچیک اؤلکه لر قالخیشیللار
چونکو هم اوستدن هم آلتدان يئييرلر...
و بیر ده
او گوزل مدرسه قیزی ساده لیی ایله باخدی منه
باخدی، ائشییه چيخدی، اورتاليق قارالیردی آما اونو ساخلييانمادیم،

بير قادينی الينده توتماق ايستَییرسن سه
نه زامان اونون يولونا چيخمامان گرکلی ليینی بيلمه ليسن،
الينده توتماق ايسته سن يولونا چيخمازسان اونسوزدا.
بير يولونا چيخماما مسئله سی دیر بو او زامان، ائله يادا بئله.
اوتوردوم آرتيق، ايچگينی گؤتوردوم، بير لیوان داها تؤکدوم،
دئديم کی، مهنديس ليک درسلرینین سنی
فنارلارین بئله اوزاق بير گئجه نين ياشيليندا آغير - آغير ساللانديغی
بير يئره گتيرجه يينی کيم دوشونردی؟

جونز گلدی بير قولو قادينين ماوی بئلينده
قادينا دا ايچيرتدی، قالخيب گئتديم دئديم کی،
اَر – آرواد اویونو مو بو؟ بو عصب لندیردی قادينی چونکو
کََمپ لرینده تاپيشيب، اونلارا سيغماسایدی، قادینین نين ايشی بيتميشدير.
بير یئکه بارداق داها دولدوردوم.
دئديم کی داها فیکریزه یئتیشمه ییب آما
هيچ بيريميز دیری چيخميياجاغیق بوردان.
گئجه نين قالانينی دا ايچديک.
دوغرو دوزگون سس سيز دورسان سويون سسینی ائشیده ردین.
سويون آغاجلارين و دوزلتدیگیمیز يوللارين آراسيندان ائنیشینی
حیوانلارين او يوللاردان کئچيشينی دويا بيليردين
يئرلی لری، وحشی بير چيله نی چکن وحشی دَلی لری.
ان سونوندا دا او سون آينايا باخيش
کؤرکوتوک عاشیق لر بير بيرينه ساريلارکن
ديشاری چيخديم، تالوارین* داميندان
بير سامان چؤپو قوپارتدیم
چاخديم چاخماغی، آلوولاری
آلوولارين قهوه رنگلی کولش لر بويونجا
آج سیچانلار کیمی يوخاری سورونوشونه باخديم، چوخ ياواش آما دوغرویدو،
سونرا دوغرو دئییلدی، بیردن، اوپئرا کیمی بير شئيدی،
آشاغييا، ماشین سسلرینه دوغرو يئریدیم
بالاجا بير ايلان گؤردوم يولدا، بالاجا بير ايلان،
زهرلی بیر ايلانا بَنزييردی آما اولا بیلمزدی
قورخموشدو مندن، قيوريلمادان
بوغازيندان ياخالاديم، توتوم، او زامان
کيچيجيک بدنی بير عشق بارماغی کيمی
بيله ييمه ساريلدی،
بوتون آغاجلار باخدی، بَرَلمیش گؤزلرله
ياپيشديريم آغزيمی آغزينا
شيمشکدی عشق، یادا سالماقدی
تالواردان گئرييه قالانلاردان
جونز، اؤلو ایری قولو، قادينين اؤلو ماوی بئلينده.