.
.
عربجه بیر سؤزجوک­­ دور
لاتین­جه یازیلاندا خشین و قورخونج بیر شئیه بنزیر!
"Xəyanət"
خارهاخار خیریلداییر بئینیمده!
اؤلوم حالیندا چکیلن نفس­لردیر خیریلتیسی!
هردن بیر کیشی­نین چیینیده،
یابانجی بیر قادینین توکویله گیریر ائوه!
هردن بیر قادینین سویوغلوغویلا اوزانیر یاتاقدا
"خیانت کیشی­دیر
خیانت قادین­دیر"
خیانت تکجه بو دئییل کی...!
زندان­دا قوروقچویا ایلک گولومسه­ مه­ ییندن ده باشلانا بیلر!
ایلقارلارین بئلینی سیندیران بیر سؤزجوک
(ایل .......
.......قار)
"او" سنه چوخ یاخین­دیر
اوره­ یین­ ده دئییل ،
اوره­ یینین امتدادیندا، آرخاندا بیر سانجی­دیر!
بیر قمه یئری!
کسیلمز قان­دیر آخیر آرخاندان
سیننین اوستونه بیر جیزیق­ دوشمه­ دن بئله!
اؤلدورور ده - اؤلمه­ییر ده

"Xəyanət"
عربجه بیر سؤزجوک دور
لاتینجه یازیلان­دا ......

اون­سوزدا قورخونج­دور "خیانت"

.

.
1387-مرداد